အရေးပေါ်အခြေအနေအတွက် ထောက်ပံ့မှု
ကိုဗစ်-၁၉ အတွက် ထောက်ပံ့မှု
၂၀၂၀ ခုနှစ်တွင် ကိုဗစ်-၁၉ ရောဂါ စတင်ဖြစ်ပွားခဲ့ခြင်းကြောင့် HFAသည် မိတ်ဖက်အဖွဲ့အစည်းများနှင့်အတူ ရောဂါကာကွယ်ရေးဆိုင်ရာ ကျန်းမာ ရေးပညာပေးမှုများကိုလုပ်ဆောင်ခဲ့ပြီး ဖြစ်ပွားလျှက်ရှိသောရောဂါဖြစ်စဥ်များကိုခြေရာခံခြင်းများကိုလည်း ပြုလုပ်ခဲ့ကြသည်။ HFA အနေဖြင့် မိမိတို့၏ မိတ်ဖက်ဆေးခန်းများသို့လည်း အောက်စီဂျင်စက်များ (Oxygen concentrators) နှင့် အခြားသော ဆေးဝါးဆိုင်ရာ စက်ကိရိယာများနှင့် အသုံးအဆောင်များကိုပေးလှူခဲ့ပါ သည်။
အရေးပေါ်အခြေအနေအတွက် တုံ့ပြန်လုပ်ဆောင်ချက်
HFA သည် ၂၀၂၀ ခုနှစ်မှစ၍ သဘာဝနှင့် လူလုပ် ဘေးအန္တရာယ်များကြောင့်ထိခိုက်ခံစားရသည့် သူများနှင့် လူမှု့အသိုက်အဝန်းများအား အရေးပေါ်ပံ့ပိုးမှုများကိုပေးခဲ့ပါသည်။ ပေးခဲ့သောထောက်ပံ့မှုများတွင် အစားအသောက်များ၊ ဆေးဝါးဆိုင်ရာပစ္စည်းများ နှင့် ဓမ္မတာဆိုင်ရာ တစ်ကိုယ်ရေသုံး ပစ္စည်းများလည်းပါဝင်သည်။
